༄༅།། སྤེན་ནོར་ལགས།

 

༄༅།།    རྒན་སྤེན་ནོར་ལགས་༡༩༦༩ ལོར་མྱང་སྟོད་རྒྱལ་རྩེར་སྐྱེས། ༡༩༧༧ལོར་སློབ་ཆུང་འགྲིམས་འགོ་བརྩམས། དགེ་བའི་བཤེས་གཉེན་༧མཚོ་ཁ་བ་ནོར་རྒྱས་མཆོག་བསྟེན་པའི་སྐལ་བ་བཅས་ཏེ་བོད་ཡིག་འབྲི་ཀློག་ཚད་ལྡན་བསླབས། སློབ་ཆུང་ནང་ཀ་ཁ་དང་། ཟློས་ཧྲལ། ཚུགས་རིང་ཡིགཟུགས་འགྲན་སྡུར་ནང་ཨང་ཀི་དང་པོ་འབའ་ཞིག་ཐོབ་པས་གང་དེས་ཤིན་ཏུ་གཅེས། དབུ་ཅན་ནག་བྲིས་དང་ཁོང་གསེང་ཁོང་གི་གཟིམ་ཁང་དུ་ཟུར་ལ་འཁྲིད། ལྗོན་དབང་དང་དཀའ་གསལ་སོགས་བློ་རྒྱུགས་ཕུལ། ༡༩༨༢ལོར་རྒྱལ་རྩེ་སློབ་འབྲིང་དུ་དམའ་འབྲིང་དོན་དུ་གཉེར། དེར་དགེ་བའི་བཤེས་གཉེན་ཆེན་མོ་༧འཕྲིན་ལས་དཔལ་འབྱོར་དང་རྡོ་རྗེ་གཡུལ་རྒྱལ་སོགས་བསྟེན་ཅིང་། བོད་ཡིགི་སུམ་རྟགས་དག་གསུམ་སྙན་ངག་ལེའུ་བར་པ་སོགས་ཀྱི་བློ་འཛིན་རི་མོ་དཔེར་བརྗོད་སོགས་ཕུལ། ཁྱད་པར་ཡིགཟུགས་ཐད། བྲིས་ཆེན་༧འཕྲིན་ལས་དཔལ་འབྱོར་ལགས་ཀྱི་དྲུང་ནས་གཞུང་རིས་ཀྱི་ཚུཌ་རིང་ཐུང་། ཚུཌ་ཆུང་། འབྲུ་ཚ། ཚུཌ་མ་འཁྱུག འཁྱུག་ཡིག་བཅས་བུམ་པ་གང་བྱོའི་ཚུལ་དུ་བཀའ་དྲིན་བསྐྱངས། བོད་རྒྱ་ཡིགཟུགས་འགྲན་སྡུར་ཐེངས་མང་ནང་ཨང་ཀི་དང་པོ་ཐོབ། སློབ་སྦྱོང་བྲེལ་བ་ཇི་ཙམ་ཆེ་ཡང་བྲིས་དེ་མ་ལད་པ་གྱིས་ཨང་། ཞེས་རྟག་ཏུ་གསུང་།༡༩༨༥ལོར་རྒྱལ་རྩེ་སློབ་འབྲིང་དུ་མཐོ་འབྲིང་བསླབ། སུམ་རྟགས་རྩ་བ། མངོན་བརྗོད་དང་བརྡ་རྙིང་སོགས་བློ་རྒྱུགས་ཕུལ། ༡༩༨༧ལོར་བོད་ལྗོངས་སློབ་ཆེའི་བོད་རིག་པ་ཚན་ཁག་ཏུ་སློབ་གཉེར་བྱས། དེའི་རིང་ཡོངས་ཀྱི་དགེ་བའི་བཤེས་གཉེན་༧བློ་བཟང་ཕྱོགས་གླང་ངམ་ཡོངས་གྲཌ་སུ་༧ཚེ་དབང་ཞེས་ཞུ་བ་མཆོག་དང་། བཤེས་གཉེན་དམ་པ་༧དགེ་འདུན་དོན་ལྡན། དབུ་འཛིན་རྒན་བསོད་ནམས་ཕུན་ཚོགས། དགེ་བའི་བཤེས་གཉེན་གསང་བདག་རྡོ་རྗེ་དང་། བསྟན་པ་མང་ཐོས། རྒན་མཁས་བཙུན། རྒན་ཉི་མ། རྒན་ཚེ་བརྟན་བཀྲ་ཤིས་ལ་སོགས་པ་བསམ་སྦྱོར་གཉིས་མེད་ཀྱིས་བསྟེན་ནས། ཐུན་མོང་རིགནས་ཕལ་མོ་ཆེར་ཐོས་ལོ་ཙམ་མིན་པར་སྒྲོ་འདོགས་བཅད། སུམ་རྟགས་ཀྱི་སྡོམ་དང་། སྙན་ངག་ལེའུ་བར་པ། དབྱངས་ཅན་སྒྲ་མདོ། བསྡུས་གྲྭ་དང་། བློ་རྟགས། བཤེསྤྲིངས་སོགས་བློ་རྒྱུགས་ཕུལ། ཁྱད་པར་དགེ་བའི་བཤེས་གཉེན་གསང་བདག་རྡོ་རྗེ་ལས་བྲིས་ཀྱི་ངག་རྒྱུན་མན་ངག་སོགས་མང་དུ་ཐོབ། བོད་རྒྱ་བྲིས་ཀྱི་འགྲན་སྡུར་ཐེངས་གཉིས་བྱས་པར་གཟུགས་གཉིས་ཀར་དམིགས་བཀར་བྱ་དགའ་ཆེན་པོ་ཐོབ། སློབ་ཆེན་མཐར་ཕྱིན་ནས་བོད་ཀྱི་གསོ་རིག་སློབ་གླིང་དུ་དགེ་རྒན་བྱས། ལས་ཞོར་དུ་མཁན་རིན་པོ་ཆེ་༧ཁྲོ་རུ་ཚེ་རྣམ་དང་། མཁན་ཆེན་༧ཚུལ་ཁྲིམས་རྒྱལ་མཚན། མཁས་དབང་ཀུན་དགའ་རིག་འཛིན་སོགས་བསྟེན་ཅིང་ལེགས་བཤད་ཀྱི་བདུད་རྩི་ཐོབ། གསོ་རིག་དང་ནག་རྩིས་ལའང་བག་ཆགས་མི་དམན་པ་ཐོབ། གཟབ་བཤར་གྱི་བྲིས་སྣ་ཚོགས་ལ་འགྲན་ཚོགས་མང་པོར་ཨང་ཀི་དང་པོ་དང་གཉིས་པ་ཐོབ་ཅིང་བརྩམས་ཆོས་ཁག་གཅིག་རྒྱལ་ཁབ་ཕྱི་ནང་དུ་འགྲེམསྟོན་དང་སྦྲགས་གཟེངས་རྟཌ་ཐོབ། རི་མོའི་བརྩམས་ཆོས་རི་ཀླུང་དེ་འདྲའི་མཛེས་པ་ཞེས་པར་རྒྱལ་ཡོངས་ཀྱི་བྱ་དགའི་ཨང་ཀི་གཉིས་པ་ཐོབ། དུས་མཚུངས་ཀྲུང་གོའི་ཡིག་མཁན་འཐུས་ཚོཌ་ཀྱི་ཚོཌ་མི་དང་། བོད་ལུགས་གསོ་རིག་སློབ་ཆེའི་བོད་རིག་པའི་དགེ་རྒན་ཆེན་མོ་གཞོན་པ། སྐབས་དང་པོའི་བོད་ལྗོངས་མཚན་ཉིད་རིག་པ་དང་སྤྱི་ཚོཌ་ཚན་རིག་ལྷན་རྒྱས་ཁང་གི་ཨུ་ཡོན། བོད་ལྗོངས་ཡིག་མཁན་འཐུས་ཚོཌ་ཀྱི་ཀྲུའུ་ཞི་གཞོན་པ། བོད་ལྗོངས་གཞོནུ་ཡིག་མཁན་འཐུས་ཚོཌ་ཀྱི་ཀྲུའུ་ཞི་གཞོན་པ་སོགས་ཀྱི་འགན་འཁུར། གཞུང་འཆད་ཚུལ་གྱི་རྣམ་གཞག་ཅེས་སོཌ་བོད་རིག་པའི་དཔྱད་རྩོམ་སུམ་ཅུ་ལྷག་ཙམ་དང་། རྒྱན་གྱི་བསྟན་བཅོས་ཨཱདརྴའི་སརྒ་གཉིས་པའི་དགོངས་པ་གསལ་བྱེད་ཀྱི་དཔེར་བརྗོད་མཐོང་བ་འཛུམ་ཤོར། ཞེས་པ་བརྩམས་ནས་པར་སྐྲུན་ཞུསོ།